納米無明火│情侶幾秒扑槌446萬買250呎納米樓 谷德昭感慨：香港真係好黐線

ViuTV節目《納米無明火》第二集到訪位於屯門區的一間納米屋，屋主是一對小情侶，在家人資助首期的前題下，以446萬買下250呎的樓花，如今已入伙成為為安樂窩。由於單位沒有房間，主持人谷德昭一入屋已經「踏進」兩人的睡床位置，仲順手打開玻璃門走到露台睇風景。單位擁有開放式廚房，廁所空間相對地大，不過浴室位置比較窄，谷德昭笑嘲自己身形，「轉身都可能有困難……」

納米無明火│谷德昭到訪YouTuber 300呎單位 豪裝三角浴缸 爐頭竟放手推車【下一頁】

{{hket:inline-image name="KO12.jpg"}}{{/hket:inline-image}}

{{hket:inline-image name="KO8.jpg"}}{{/hket:inline-image}}

{{hket:inline-image name="KO5.jpg"}}{{/hket:inline-image}}

這對小情人拍拖8年，男主人Ryan是西廚，女主人Olay在機場任職工程相關工作，兩人原本看中白石角一個樓盤，有明廚、明廁，可惜抽三次都沒抽中。Ryan失望而回後，一顆置業的心從未變改，於是見到新樓盤推出就再試試運氣，沒想到這次抽中了！他們形容買樓時的情景，連谷德昭都大為感慨。Olay說：「得幾秒諗，一叫完冧把就排隊，要決定買定唔買。」

谷德昭說：「真係手快有手慢冇，我買杯咖啡都要諗一輪……買樓好可能係一生好重要嘅決定。香港真係好奇怪，呢件事（買樓）其實好黐線，係喜劇係電影題材，拍出嚟香港人當然唔覺得係乜嘢，如果外國人睇到會覺得你哋係黐線嘅！一生或半生人嘅積蓄，電光火石間就要決定去買。」谷德昭也與Ryan合力炮製美食，原來飯枱是摺合式，而椅子亦是風琴摺疊設計的，令谷德昭「大開眼界」。

Olay表示感恩︰「用我哋月入三分之一嘅收入供樓，未至於完全失去生活（樂趣）。」不需要捱麵包或者打兩份工，偶爾都可以出去睇戲食飯，總算做個開開心心的樓奴。

林子萱患怪病頸腫濕疹纏身 谷德昭不離棄齊抗病愛足16年【下一頁】

事後，谷德昭在IG分享他跟兩位主人的合照，並留言：「《納米無明火》第二集Olay同Ryan真係一對碧人，凹凹凸凸，凸凸凹凹，你凹我凸，我凸你凹，脾性襯到佮佮冚。買樓是一生人重要的一項決定，但中簽後只得幾秒決定買定唔買，仲要係買樓花，唔清楚窗口對正係山景定山墳景，人都癲。祝福你倆好好歎吓共同由『零』創造到今天的『一』，祝福你倆將來在繼續有生活的前題下，創造出二、三、四、五、六……」谷德昭特別在相片中tag女友林子萱，似乎好想將這對戀人的小故事跟她分享，林子萱亦都有轉發post，並說：「凸凸凹凹真係啱，點樣可以喺細小嘅空間令個心闊啲？」兩人難得隔空放閃，認真sweet！

同場加映：Thai耐無去︱泰國通胡慧冲掃曼谷超市 超人氣薯片逐包試

{{hket:ul-video id="3439"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任你睇↓↓
【立即體驗】

責任編輯：楊安莉